"PSJ" "Tottenxem" hujumchisi Xarri Keynga asosiy muqobil variantlar haqida qaror qabul qildi. Insayder Fabris Xoukins bergan ma’lumotlarga ko‘ra, agar angliyalik futbolchining transferi muvaffaqiyatsiz tugasa, parijliklar klubi Frankfurtning "Ayntraxt"idan Randal Kolo-Muanini yoki Turinning "Yuventus" klubidan Dushan Vlaxovichni sotib olishga harakat qiladi.
Yuqoridagi ikki futbolchining har biri potensial xaridorlarga taxminan 80 million yevroga tushishi avval xabar qilingandi. "PSJ" Keyn uchun 100 million yevrodan ko‘proq pul to‘lashga tayyor, ammo hozircha Xarrining o‘zi "Bavariya"ga o‘tishni afzal ko‘rmoqda, myunxenliklar esa "Tottenxem" bilan tovon puli borasida kelisha olmayapti.
