"ПСЖ" "Тоттенхэм" ҳужумчиси Харри Кейнга асосий муқобил вариантлар ҳақида қарор қабул қилди. Инсайдер Фабрис Хоукинс берган маълумотларга кўра, агар англиялик футболчининг трансфери муваффақиятсиз тугаса, парижликлар клуби Франкфуртнинг "Айнтрахт"идан Рандал Коло-Муанини ёки Туриннинг "Ювентус" клубидан Душан Влаховични сотиб олишга ҳаракат қилади.
Юқоридаги икки футболчининг ҳар бири потенциал харидорларга тахминан 80 миллион еврога тушиши аввал хабар қилинганди. "ПСЖ" Кейн учун 100 миллион евродан кўпроқ пул тўлашга тайёр, аммо ҳозирча Харрининг ўзи "Бавария"га ўтишни афзал кўрмоқда, мюнхенликлар эса "Тоттенхэм" билан товон пули борасида келиша олмаяпти.