"Bavariya" avvalroq "Tottenxem" hujumchisi Xarri Keyn bilan shartnoma shartlari bo‘yicha kelishib olgandi. Angliyalik futbolchi yiliga 12 million yevro ishlab oladigan shartnoma imzolashga rozi bo‘ldi. Biroq "PSJ" angliyalik futbolchiga yanada kattaroq maosh taklif qilishga tayyor. Bu haqda jurnalist Fabris Xoukins xabar berdi.
Manba shuningdek, Keyn uchun yangi klub tanlashda pul eng muhim jihat emasligini ta’kidlaydi. "PSJ" allaqachon "Tottenxem" prezidenti Deniyel Levi bilan gaplashgan va futbolchi uchun 100 million yevrodan ko‘proq pul to‘lashga tayyorligini bildirgan.