"Бавария" аввалроқ "Тоттенхэм" ҳужумчиси Харри Кейн билан шартнома шартлари бўйича келишиб олганди. Англиялик футболчи йилига 12 миллион евро ишлаб оладиган шартнома имзолашга рози бўлди. Бироқ "ПСЖ" англиялик футболчига янада каттароқ маош таклиф қилишга тайёр. Бу ҳақда журналист Фабрис Хоукинс хабар берди.
Манба шунингдек, Кейн учун янги клуб танлашда пул энг муҳим жиҳат эмаслигини таъкидлайди. "ПСЖ" аллақачон "Тоттенхэм" президенти Дэниел Леви билан гаплашган ва футболчи учун 100 миллион евродан кўпроқ пул тўлашга тайёрлигини билдирган.