Londonning “Fulxem” klubi hujumchi Aleksandr Mitrovichni 30 million yevroga sotib olmoqchi bo‘lgan “Al-Hilol”ning taklifiga javob qaytardi. Sky Sports xabariga ko‘ra, londonliklar Saudiya Arabistonidan kelgan jamoa taklifini rad etishgan va 28 yoshli hujumchi yozda sotilmasligini aniq aytishgan.
Shu bilan birga, avvalroq Mitrovichning o‘zi transferga ochiq ekani xabar qilingandi. Aleksandr tez orada 40 mln yevro evaziga "Lasio"dan "Al-Hilol"ga o‘tadigan Sergey Milinkovich-Savich bilan birga o‘ynashga qarshi emas. Ma’lumot uchun, ikkala futbolchi Serbiya terma jamoasida o‘ynashadi.
Eslatib o‘tamiz, Mitrovich o‘tgan mavsumni Angliya Premyer-ligasining 24 uchrashuvida 14 gol bilan yakunlagan.