Лондоннинг “Фулхэм” клуби ҳужумчи Александр Митровични 30 миллион еврога сотиб олмоқчи бўлган “Ал-Ҳилол”нинг таклифига жавоб қайтарди. Sky Sports хабарига кўра, лондонликлар Саудия Арабистонидан келган жамоа таклифини рад этишган ва 28 ёшли ҳужумчи ёзда сотилмаслигини аниқ айтишган.
Шу билан бирга, аввалроқ Митровичнинг ўзи трансферга очиқ экани хабар қилинганди. Александр тез орада 40 млн евро эвазига "Лацио"дан "Ал-Ҳилол"га ўтадиган Сергей Милинкович-Савич билан бирга ўйнашга қарши эмас. Маълумот учун, иккала футболчи Сербия терма жамоасида ўйнашади.
Эслатиб ўтамиз, Митрович ўтган мавсумни Англия Премьер-лигасининг 24 учрашувида 14 гол билан якунлаган.