Krishtianu Ronaldu jamoasi katta muammoga duch keldi. Goal xabariga ko‘ra, "An-Nasr"ga yangi futbolchilarni ro‘yxatdan o‘tkazishga to‘sqinlik qiladigan transfer taqiqi qo‘yilgan. Sababi Ahmad Musa bilan bog‘liq muammolardir.
2018 yildan 2020 yilgacha nigeriyalik hujumchi Ahmad Musa “An-Nasr” safida to‘p tepgan. Uni muxlislar SSKAdagi o‘yinlaridan yaxshi bilishadi. “An-Nasr” Musaga klubdagi o‘yinlari uchun bonuslarni to‘lamagan. Hujumchi 460 ming yevro olishi kerak bo‘lgan bandni faollashtirishga erishdi.
FIFAning rasmiy qarorida aytilishicha, “An-Nasr” bu summani + Ahmadning o‘yinlari uchun foizlarni to‘lamagan. Musa klub safida 60ta o‘yinda maydonga tushib, 11ta gol urgan va 14ta golga assistentlik qilgan. 2018/2019 yilgi mavsumda esa u “An-Nasr”ga Saudiya Arabistoni chempioni bo‘lishiga yordam berdi. Ammo klub boshliqlari shartnoma majburiyatlarini bajarmay, nigeriyalikning hissasini unchalik qadrlashmadi.
FIFA qarorini dastlab 2021 yil oktabr oyida e’lon qilgan. Unda tashkilot Musaning tarafini oldi va “An-Nasr”ni ogohlantirdi: agar futbolchiga to‘lanadigan summa to‘lanmasa, klubga transfer taqiqi qo‘yiladi. Rahbariyat qarorga e’tibor bermadi. Yangi kelganlarni ro‘yxatga olishni taqiqlash ham ichki, ham xalqaro pul o‘tkazmalariga tegishli. Ya’ni, "An-Nasr" yozda "Inter"dan sotib olingan Marselo Brozovichni ro‘yxatdan o‘tkaza olmaydi.
FIFAning 2021 yil oktabr oyidagi dastlabki qarorida potensial taqiq uchta transfer oynasi uchun amal qilishi ta’kidlangan. “An-Nasr” vakillari, shuningdek, agar saudiyaliklar hali ham taqiq tugaguniga qadar pulni to‘lamasa, masala FIFA intizom qo‘mitasiga yetkazilishi haqida ogohlantirilgan. Eslatib o‘tamiz, muammo “An-Nasr” Saudiya Arabistoni davlat investisiya jamg‘armasi nazoratiga o‘tishidan oldin paydo bo‘lgan. Mirror nashrining yozishicha, yangi boshliqlar taqiqni tezda olib tashlash uchun Musaga pul to‘lashga tayyor. Ehtimol, FIFA "An-Nasr"ga yon bosib taqiqni bekor qilar.
Yulduzlar Saudiya ligasiga ommaviy ravishda kelishmoqda Krishtianu Ronaldu, David Ospina va Anderson Taliskadan boshqa kuchli futbolchi bilan shartnoma omzolash klubga juda muhim. Hech bo‘lmaganda, xorvatiyalik yulduz yarimhimoyachi Brozovichni ro‘yxatdan o‘tkazish uchun muammoni hal qilish kerak.
