“Inter” sport direktori Pyero Ausilio darvozabon Andre Onanani “Manchester Yunayted”ga sotish bo‘yicha muzokaralar olib borish uchun Londonga uchib ketdi. Calciomercato xabariga ko‘ra, "neradzurri" vakili imkon qadar tezroq kelishuvga erishishga umid qilmoqda.
“Manchester Yunayted” va “Inter” Onananing narxi bo‘yicha hamon kelisha olmagan. Ingliz jamoasi kamerunlik uchun 50 million yevrodan ko‘p pul taklif qilmoqchi emas, "neradzurrilar" esa 60 millionni talab qilmoqda.
Onananing o‘zi, avval aytib o‘tilganidek, "Ayaks"dagi faoliyatidan tanish bo‘lgan sobiq murabbiyi Erik ten Xagga o‘tishga tayyor.
