“Интер” спорт директори Пьеро Аусилио дарвозабон Андре Онанани “Манчестер Юнайтед”га сотиш бўйича музокаралар олиб бориш учун Лондонга учиб кетди. Calciomercato хабарига кўра, "нерадзурри" вакили имкон қадар тезроқ келишувга эришишга умид қилмоқда.
“Манчестер Юнайтед” ва “Интер” Онананинг нархи бўйича ҳамон келиша олмаган. Инглиз жамоаси камерунлик учун 50 миллион евродан кўп пул таклиф қилмоқчи эмас, "нерадзуррилар" эса 60 миллионни талаб қилмоқда.
Онананинг ўзи, аввал айтиб ўтилганидек, "Аякс"даги фаолиятидан таниш бўлган собиқ мураббийи Эрик тен Хагга ўтишга тайёр.
