"Manchester Yunayted"ning sobiq futbolchisi Luis Nani faoliyatini Turkiyada davom ettiradi. Goal portali o‘z sahifalarida xabar berishicha, 36 yoshli portugaliyalik "Adana Demirspor"ga o‘tadi. Yaqin vaqt ichida Nani tibbiy ko‘rikdan o‘tishi va muammo aniqlanmasa, shartnoma imzolashi kerak.
"Adana Demirspor" Nani bilan erkin agent sifatida shartnoma imzolaydi. Portugaliyalik Avstraliyaning "Melburn Viktori" klubini tark etganidan keyin erkin agent.
Eslatib o‘tamiz, yaqinda Patrik Klyuyvert “Adana Demirspor” klubi bosh murabbiyiga aylangandi. Jamoa so‘nggi chempionatni to‘rtinchi o‘rinda yakunladi.