"Манчестер Юнайтед"нинг собиқ футболчиси Луис Нани фаолиятини Туркияда давом эттиради. Goal портали ўз саҳифаларида хабар беришича, 36 ёшли португалиялик "Адана Демирспор"га ўтади. Яқин вақт ичида Нани тиббий кўрикдан ўтиши ва муаммо аниқланмаса, шартнома имзолаши керак.
"Адана Демирспор" Нани билан эркин агент сифатида шартнома имзолайди. Португалиялик Австралиянинг "Мелбурн Виктори" клубини тарк этганидан кейин эркин агент.
Эслатиб ўтамиз, яқинда Патрик Клюйверт “Адана Демирспор” клуби бош мураббийига айланганди. Жамоа сўнгги чемпионатни тўртинчи ўринда якунлади.