"Valensiya" Edinson Kavani bilan hamkorlikni muddatidan oldin tugatish borasida muzokaralar olib bormoqda.
36 yoshli hujumchi "ko‘rshapalaklar" boshqaruvchisi Ruben Baraxaning rejalariga to‘g‘ri kelmaydi, shu bois klub urugvaylik futbolchi bilan shartnomasi tugashiga bir yil qolganda xayrlashishga tayyor. Marca xabariga ko‘ra, ikkala tomon ham shartnomani bekor qilishdan manfaatdor, biroq hozircha xayrlashish shartlari bo‘yicha kelisha olmayapti. Kavani "Valensiya"dan o‘ziga bo‘lgan munosabatdan norozi - futbolchi barcha maoshini olishni xohlaydi.
Xabaringiz bor, Edinson Kavani faoliyatini “Boka Xuniors”da davom ettirishi mumkin, ammo Argentina klubi tajribali futbolchini faqat erkin agent sifatida taklif qilishga tayyor.
