"Валенсия" Эдинсон Кавани билан ҳамкорликни муддатидан олдин тугатиш борасида музокаралар олиб бормоқда.

36 ёшли ҳужумчи "кўршапалаклар" бошқарувчиси Рубен Бараханинг режаларига тўғри келмайди, шу боис клуб уругвайлик футболчи билан шартномаси тугашига бир йил қолганда хайрлашишга тайёр. Marca хабарига кўра, иккала томон ҳам шартномани бекор қилишдан манфаатдор, бироқ ҳозирча хайрлашиш шартлари бўйича келиша олмаяпти. Кавани "Валенсия"дан ўзига бўлган муносабатдан норози - футболчи барча маошини олишни хоҳлайди.

Хабарингиз бор, Эдинсон Кавани фаолиятини “Бока Хуниорс”да давом эттириши мумкин, аммо Аргентина клуби тажрибали футболчини фақат эркин агент сифатида таклиф қилишга тайёр.