"Milan" darvozaboni Mayk Menyan klub bilan shartnomani uzaytirish masalasini muhokama qiladi.

Fransiyalik futbolchining amaldagi shartnomasi 2026 yilning iyunida yakunlanadi, ammo "Milan" 28 yoshli futbolchi o‘z faoliyati bo‘yicha yaxshilangan kelishuvga to‘liq loyiq ekanligiga ishonchi komil. Insayder Nikolo Skiraning so‘zlariga ko‘ra, yaqin orada klub Menyanning agenti bilan uchrashib, kelgusidagi hamkorlik shartlarini muhokama qiladi. Darvozabonga 2028 yilgacha mo‘ljallangan shartnoma taklif qilinishi kutilmoqda, uning maoshi yiliga 5 million yevrogacha oshiriladi.

Mayk Menyan o‘tgan mavsumda Stefano Pioli tarkibida 29 ta o‘yinda maydonga tushib, 27 ta gol o‘tkazib yuborgan.