"Милан" дарвозабони Майк Меньян клуб билан шартномани узайтириш масаласини муҳокама қилади.

Франциялик футболчининг амалдаги шартномаси 2026 йилнинг июнида якунланади, аммо "Милан" 28 ёшли футболчи ўз фаолияти бўйича яхшиланган келишувга тўлиқ лойиқ эканлигига ишончи комил. Инсайдер Николо Скиранинг сўзларига кўра, яқин орада клуб Меньяннинг агенти билан учрашиб, келгусидаги ҳамкорлик шартларини муҳокама қилади. Дарвозабонга 2028 йилгача мўлжалланган шартнома таклиф қилиниши кутилмоқда, унинг маоши йилига 5 миллион еврогача оширилади.

Майк Меньян ўтган мавсумда Стефано Пиоли таркибида 29 та ўйинда майдонга тушиб, 27 та гол ўтказиб юборган.