"Fiorentina" himoyachisi Igor "Brayton"ga o‘tishga yaqin. Bu haqda Fabrisio Romano xabar berdi.
Manbaga ko‘ra, "Chelsi" o‘tgan mavsumda "Brayton"da ijara asosida o‘ynagan Levi Kolvill bo‘yicha bir nechta takliflarni rad etganidan so‘ng, "chaykalar" 25 yoshli braziliyalik futbolchiga o‘tishgan.
Igor "Brayton" bilan shartnoma shartlarini kelishib olgan. U 2021 yildan beri florensiyaliklar safida o‘ynab kelmoqda.
2022/23 yilgi mavsumda himoyachi barcha musobaqalarda 42 ta o‘yinda maydonga tushgan. Transfermarkt portali uning narxini 10 million yevroga baholamoqda.