"Sassuolo"ga tegishli bo‘lgan braziliyalik himoyachi Rojerio da Silva faoliyatini Portugaliya chempionatida davom ettirish imkoniyatiga ega.
Sportitalia xabariga ko‘ra, janubiy amerikalik futbolchining xizmatlariga "Portu" qiziqish bildirmoqda.
Avvalroq, matbuotda Moskvaning "Spartak" klubi Rojeroni qo‘lga kiritmoqchi ekanligi haqida ma’lumot paydo bo‘lgandi.
Himoyachining "Sassuolo" bilan shartnomasi 2024 yilning o‘rtalariga qadar tuzilgan. Transfermarkt ekspertlari futbolchining narxini 5,5 million yevroga baholamoqda.
Italiya chempionatining so‘nggi mavsumida himoyachi 36 ta bahsda qatnashib, 3 ta golli uzatmani amalga oshirgan.
