"Сассуоло"га тегишли бўлган бразилиялик ҳимоячи Рожерио да Силва фаолиятини Португалия чемпионатида давом эттириш имкониятига эга.

Sportitalia хабарига кўра, жанубий америкалик футболчининг хизматларига "Порту" қизиқиш билдирмоқда.

Аввалроқ, матбуотда Москванинг "Спартак" клуби Рожерони қўлга киритмоқчи эканлиги ҳақида маълумот пайдо бўлганди.

Ҳимоячининг "Сассуоло" билан шартномаси 2024 йилнинг ўрталарига қадар тузилган. Transfermarkt экспертлари футболчининг нархини 5,5 миллион еврога баҳоламоқда.

Италия чемпионатининг сўнгги мавсумида ҳимоячи 36 та баҳсда қатнашиб, 3 та голли узатмани амалга оширган.