Hujumchi Xarri Keyn yozgi transferlar vaqtida “Tottenxem”ni tark etishi mumkin. Mish-mishlarga ko‘ra, ingliz yulduzi "Bavariya"ga o‘tishni afzal ko‘radi. Biroq, "PSJ" Keyn uchun kurashdan voz kechmayapti. The Times xabariga ko‘ra, Liga 1 giganti futbolchining Parijga ko‘chib o‘tmoqchi ekanligiga ishonch hosil qilsa, bu poygada "Bavariya"ni mag‘lub etishga tayyor.
Iyul oyi oxirida Keyn 30 yoshga to‘ladi. Hujumchining "Tottenxem" bilan amaldagi shartnomasi yana bir mavsumga mo‘ljallangan.
“Shporlar” safida 435 ta rasmiy o‘yinda Keyn 280 ta gol urgan va 64 ta golli uzatmani hamkorlari safida amalga oshirgan. Transfermarkt portali futbolchini 90 million yevroga baholamoqda.