Ҳужумчи Харри Кейн ёзги трансферлар вақтида “Тоттенхэм”ни тарк этиши мумкин. Миш-мишларга кўра, инглиз юлдузи "Бавария"га ўтишни афзал кўради. Бироқ, "ПСЖ" Кейн учун курашдан воз кечмаяпти. The Times хабарига кўра, Лига 1 гиганти футболчининг Парижга кўчиб ўтмоқчи эканлигига ишонч ҳосил қилса, бу пойгада "Бавария"ни мағлуб этишга тайёр.
Июль ойи охирида Кейн 30 ёшга тўлади. Ҳужумчининг "Тоттенхэм" билан амалдаги шартномаси яна бир мавсумга мўлжалланган.
“Шпорлар” сафида 435 та расмий ўйинда Кейн 280 та гол урган ва 64 та голли узатмани ҳамкорлари сафида амалга оширган. Transfermarkt портали футболчини 90 миллион еврога баҳоламоқда.