Katta ehtimol Romelu Lukaku Italiyada qolsa, "Inter"da emas, "Yuventus"da o‘ynaydi.
Matbuotda "neradzurrilar" belgiyalik futbolchini to‘liq transfer qilishdan bosh tortgani haqida ma’lumotlar paydo bo‘ldi. Milan klubiga 30 yoshli Lukakuning "Yuventus" bilan muzokaraga kirishgani yoqmadi.
La Gazzetta dello Sport nashrida yozilishicha, Lukaku anchadan beri "Inter"ni tark etishga qaror qilgan.
Belgiyalik o‘zini Simone Indzagi loyihasida muhim shaxs sifatida his qilmadi. Lukakuga murabbiyning uni Chempionlar ligasi finalida asosiy tarkibda tushirmagani yoqmagan.
2022/2023 yilgi mavsumda Lukaku “Inter” safida ijara asosida o‘ynagan.
