Катта эҳтимол Ромелу Лукаку Италияда қолса, "Интер"да эмас, "Ювентус"да ўйнайди.
Матбуотда "нерадзуррилар" бельгиялик футболчини тўлиқ трансфер қилишдан бош тортгани ҳақида маълумотлар пайдо бўлди. Милан клубига 30 ёшли Лукакунинг "Ювентус" билан музокарага киришгани ёқмади.
La Gazzetta dello Sport нашрида ёзилишича, Лукаку анчадан бери "Интер"ни тарк этишга қарор қилган.
Бельгиялик ўзини Симоне Индзаги лойиҳасида муҳим шахс сифатида ҳис қилмади. Лукакуга мураббийнинг уни Чемпионлар лигаси финалида асосий таркибда туширмагани ёқмаган.
2022/2023 йилги мавсумда Лукаку “Интер” сафида ижара асосида ўйнаган.
