"Bavariya" yarim himoyachisi Leon Goretskaga "Manchester Yunayted" qiziqish bildirmoqda.
Sky Sport Germany xabariga ko‘ra, myunxenliklar 28 yoshli yarim himoyachi uchun 40-50 million yevro taklif qilishsa, uni qo‘yib yuborishi mumkin. Qayd etilishicha, “Bavariya” bosh murabbiyi Tomas Tuxel yangi mavsumda Goretskani rejalariga kiritmagan, biroq hozircha futbolchining o‘zi jamoani tark etishni istamayapti. Shu bilan birga, o‘yin amaliyoti kamayishi sababli uning qarori o‘zgarishi mumkinligi aytilmoqda.
O‘tgan mavsumda Goretska barcha turnirlarni hisobga olgan holda 40ta o‘yinda maydonga tushdi.
