“Fiorentina” yarim himoyachisi Sofyan Amrabat faoliyatini Madridning “Atletiko” klubida davom ettirish niyatida.

Marokashlikning "matraschilar" safiga qo‘shilishga tayyorligi haqida avvalroq xabar berilgandi. Marca xabariga ko‘ra, yarim himoyachi barcha variantlarni ko‘rib chiqib, nihoyat imkoniyat tug‘ilsa, "Atletiko"ga o‘tishga qaror qilganini aytdi.

26 yoshli futbolchi bir necha oylardan beri bu transferga intilmoqda, ammo Madrid klubining birinchi tanlovi - Marko Verratti ("PSJ").

Shuningdek, ispan klubi “Tottenxem” bilan xayrlashishga tayyor bo‘lgan Pyer-Emil Xyoybergga da’vo qilmoqda.

Transfermarkt ekspertlari Sofyan Amrabatning narxini 30 million yevroga baholamoqda.