“Фиорентина” ярим ҳимоячиси Софьян Амрабат фаолиятини Мадриднинг “Атлетико” клубида давом эттириш ниятида.
Марокашликнинг "матрасчилар" сафига қўшилишга тайёрлиги ҳақида аввалроқ хабар берилганди. Marca хабарига кўра, ярим ҳимоячи барча вариантларни кўриб чиқиб, ниҳоят имконият туғилса, "Атлетико"га ўтишга қарор қилганини айтди.
26 ёшли футболчи бир неча ойлардан бери бу трансферга интилмоқда, аммо Мадрид клубининг биринчи танлови - Марко Верратти ("ПСЖ").
Шунингдек, испан клуби “Тоттенхэм” билан хайрлашишга тайёр бўлган Пьер-Эмиль Хёйбергга даъво қилмоқда.
Transfermarkt экспертлари Софьян Амрабатнинг нархини 30 миллион еврога баҳоламоқда.
