"Inter" "Yuventus"ning sobiq futbolchisi Xuan Kuadrado bilan shartnoma imzolashi mumkin, deya xabar beradi jurnalist Nikolo Skira.
Manbaga ko‘ra, hozirda tomonlar muzokaralar olib bormoqda. Kelishuv bonuslarni hisobga olmaganda, 2 million yevro maosh bilan bir yilga hisoblanishi mumkin.
Avvalroq Kuadrado Saudiya Arabistoni va Turkiyaning “Fenerbaxche” klublaridan takliflarni rad etgan, chunki u A Seriyada o‘ynashni davom ettirmoqchi.
35 yoshli kolumbiyalik futbolchi “Yuventus” safida 314 ta o‘yinda maydonga tushib, 26 ta gol urgan va 65 ta golli uzatmani amalga oshirgan. Turin tarkibida u 5 marta A Seriya g‘olibiga aylangan, uch marta Italiya kubogini qo‘lga kiritgan va ikki marta mamlakat Superkubogida g‘olib chiqqan.