"Интер" "Ювентус"нинг собиқ футболчиси Хуан Куадрадо билан шартнома имзолаши мумкин, дея хабар беради журналист Николо Скира.
Манбага кўра, ҳозирда томонлар музокаралар олиб бормоқда. Келишув бонусларни ҳисобга олмаганда, 2 миллион евро маош билан бир йилга ҳисобланиши мумкин.
Аввалроқ Куадрадо Саудия Арабистони ва Туркиянинг “Фенербахче” клубларидан таклифларни рад этган, чунки у А Серияда ўйнашни давом эттирмоқчи.
35 ёшли колумбиялик футболчи “Ювентус” сафида 314 та ўйинда майдонга тушиб, 26 та гол урган ва 65 та голли узатмани амалга оширган. Турин таркибида у 5 марта А Серия ғолибига айланган, уч марта Италия кубогини қўлга киритган ва икки марта мамлакат Суперкубогида ғолиб чиққан.