“An-Nasr” klubi va Portugaliya terma jamoasi hujumchisi Krishtianu Ronaldu “Portu” yarim himoyachisi Otavioni Saudiya klubiga o‘tishga ko‘ndirish uchun qo‘ng‘iroq qilgani haqidagi mish-mishlarni rad etdi.

"Ko‘plab futbolchilar bilan munozaralar ketmoqda, lekin men agent emasligim uchun ularda ishtirok etmayman. Otavio, qolaversa, yana 10-15 nafar futbolchi haqida ham mish-mishlar yuribdi, lekin haligacha rasmiy xabar yo‘q. Ochig‘i, jamoani kuchaytirmoqchimiz, ammo hozircha aniq nomlar yo‘q.

"An-Nasr" Otavio bilan shartnoma imzoladimi? Bu butunlay yolg‘on. Ommaviy axborot vositalari xabarlarni e’lon qiladi, ammo hali hech narsa hal qilinmagan. Hozir aniq hech narsa aytish mumkin emas", - deya Ronalduning so‘zlarini keltiradi GOAL.

Xabar qilinishicha, “An-Nasr” futbolchi uchun "Portu"ga 40 million yevro taklif qilgan.