“Ан-Наср” клуби ва Португалия терма жамоаси ҳужумчиси Криштиану Роналду “Порту” ярим ҳимоячиси Отавиони Саудия клубига ўтишга кўндириш учун қўнғироқ қилгани ҳақидаги миш-мишларни рад этди.
"Кўплаб футболчилар билан мунозаралар кетмоқда, лекин мен агент эмаслигим учун уларда иштирок этмайман. Отавио, қолаверса, яна 10-15 нафар футболчи ҳақида ҳам миш-мишлар юрибди, лекин ҳалигача расмий хабар йўқ. Очиғи, жамоани кучайтирмоқчимиз, аммо ҳозирча аниқ номлар йўқ.
"Ан-Наср" Отавио билан шартнома имзоладими? Бу бутунлай ёлғон. Оммавий ахборот воситалари хабарларни эълон қилади, аммо ҳали ҳеч нарса ҳал қилинмаган. Ҳозир аниқ ҳеч нарса айтиш мумкин эмас", - дея Роналдунинг сўзларини келтиради GOAL.
Хабар қилинишича, “Ан-Наср” футболчи учун "Порту"га 40 миллион евро таклиф қилган.
