"Chelsi" yarim himoyachi Kallum Xadson-Odoini "Fulxem"ga sotishdan bosh tortdi.
Sky Sports xabariga ko‘ra, "aristokratlar" unga taklif qilingan summani yetarli emas deb hisoblashgan. "Fulxem" vaziyat haqida o‘ylash va taklif qilingan shartlarni yaxshilash bo‘yicha qaror qabul qilmoqchi.
22 yoshli futbolchi shu yozda baribir "Chelsi"ni tark etishi kutilmoqda.
2022/23 yilgi mavsumda Xadson-Odoi Leverkuzenning "Bayer" klubida ijara asosida o‘ynagan. U nemis klubi safida 21 ta o‘yinda maydonga tushib, 1 ta gol urdi va 1 ta golli uzatmani amalga oshirdi.