"Челси" ярим ҳимоячи Каллум Хадсон-Одоини "Фулхэм"га сотишдан бош тортди.
Sky Sports хабарига кўра, "аристократлар" унга таклиф қилинган суммани етарли эмас деб ҳисоблашган. "Фулхэм" вазият ҳақида ўйлаш ва таклиф қилинган шартларни яхшилаш бўйича қарор қабул қилмоқчи.
22 ёшли футболчи шу ёзда барибир "Челси"ни тарк этиши кутилмоқда.
2022/23 йилги мавсумда Хадсон-Одои Леверкузеннинг "Байер" клубида ижара асосида ўйнаган. У немис клуби сафида 21 та ўйинда майдонга тушиб, 1 та гол урди ва 1 та голли узатмани амалга оширди.
