"Inter" darvozaboni Andre Onana "Manchester Yunayted"ga o‘tadi, deya xabar beradi jurnalist Alfredo Pedulla.

Manbaga ko‘ra, bugun tunda yakuniy kelishuvlarga erishilgan: umumiy summa 50 million yevro va 4 million bonuslar bo‘ladi. Yaqin soatlarda Onana Manchesterga uchib ketadi va u yerda tibbiy ko‘rikdan o‘tadi va yangi klubiga qo‘shiladi.

Fabrisio Romanoning so‘zlariga ko‘ra, darvozabon 2028 yilning yoziga qadar shartnoma imzolaydi va u yana bir yilga uzaytirilishi mumkin.

O‘tgan mavsumda Onana "Inter" safida 41 ta o‘yinda 36 ta gol o‘tkazib yuborgan. Transfermarkt portali futbolchining narxini 35 million yevroga baholamoqda.