"Интер" дарвозабони Андре Онана "Манчестер Юнайтед"га ўтади, дея хабар беради журналист Альфредо Педулла.
Манбага кўра, бугун тунда якуний келишувларга эришилган: умумий сумма 50 миллион евро ва 4 миллион бонуслар бўлади. Яқин соатларда Онана Манчестерга учиб кетади ва у ерда тиббий кўрикдан ўтади ва янги клубига қўшилади.
Фабрицио Романонинг сўзларига кўра, дарвозабон 2028 йилнинг ёзига қадар шартнома имзолайди ва у яна бир йилга узайтирилиши мумкин.
Ўтган мавсумда Онана "Интер" сафида 41 та ўйинда 36 та гол ўтказиб юборган. Transfermarkt портали футболчининг нархини 35 миллион еврога баҳоламоқда.
