Chexiyalik hujumchi Tomash Chvanchara Praganing “Sparta” klubidan Menxengladbaxning “Borussiya” jamoasiga ko‘chib o‘tdi. Bu haqda nemis klubi rasmiy saytida ma’lum qilingan.

22 yoshli futbolchi bilan 5 yillik shartnoma imzolangan, Chexiya klubi bu transfer uchun 10,5 million yevro ishlab oladi.

"Bu yerda juda yaxshi. "Borussiya-Park" - bu ajoyib stadion. Mashg‘ulotlarga qo‘shilishni, shu yerda o‘ynashni va gol urishni intizorlik bilan kutyapman", - dedi Chvanchara klub matbuot xizmatiga.

O‘tgan mavsumda 30 ta o‘yinda futbolchi 15 ta gol urdi va 5 ta golli uzatmani amalga oshirdi, "Sparta" esa o‘z navbatida mamlakat chempionligini qo‘lga kiritdi.