"Arsenal" va "Kyoln" klublarining sobiq hujumchisi Lukash Podolski "Tottenxem" hujumchisi Xarri Keyn yozda "Bavariya"ga o‘tishiga ishonmoqda.
"Ha shunday deb o‘ylayman. Uli Xyoness bunday bayonotlarni aytganida, buning orqasida nimadir bor. U so‘zlarni bekorga aytmaydi. Xarri Keyn "Bavariya"ga chinakam yordam bera oladigan yagona hujumchi. U klassik "to‘qqizlik", gollar uradi - "Bavariya" uchun juda zo‘r", - dedi Podolski.
Eslatib o‘tamiz, avvalroq "Bavariya" faxriy prezidenti Uli Xyoness angliyalik hujumchining ehtimoliy transferi haqida gapirgan edi. "Bavariya"ning Keynni sotib olish bo‘yicha ikkita boshlang‘ich taklifi "Tottenxem" tomonidan rad etildi.
