"Арсенал" ва "Кёльн" клубларининг собиқ ҳужумчиси Лукаш Подольски "Тоттенхэм" ҳужумчиси Харри Кейн ёзда "Бавария"га ўтишига ишонмоқда.
"Ҳа шундай деб ўйлайман. Ули Хёнесс бундай баёнотларни айтганида, бунинг орқасида нимадир бор. У сўзларни бекорга айтмайди. Харри Кейн "Бавария"га чинакам ёрдам бера оладиган ягона ҳужумчи. У классик "тўққизлик", голлар уради - "Бавария" учун жуда зўр", - деди Подольски.
Эслатиб ўтамиз, аввалроқ "Бавария" фахрий президенти Ули Хёнесс англиялик ҳужумчининг эҳтимолий трансфери ҳақида гапирган эди. "Бавария"нинг Кейнни сотиб олиш бўйича иккита бошланғич таклифи "Тоттенхэм" томонидан рад этилди.
