Hujumchi Xarri Keyn joriy transfer oynasida “Tottenxem”ni tark etishi mumkin. Shu munosabat bilan "shporlar" rahbariyati unga o‘rinbosar qidira boshladi.
Insayder Rudi Galettining ijtimoiy tarmoqlar orqali xabar berishicha, London klubi manfaatlari doirasida ikki hujumchi paydo bo‘lmoqda. Gap Jonatan Devid (“Lill”) va Dushan Vlaxovich (“Yuventus”) haqida ketmoqda.
Keyn "Tottenxem"da 2011 yilning yanvaridan beri o‘ynab kelmoqda. Hujumchining londonliklar bilan shartnomasi 2024 yilning iyun oyi oxirigacha amal qiladi.
Xarri o‘tgan mavsumda Premyer-ligada 38 ta o‘yinda maydonga tushib, 30 ta gol urdi va 3 ta golga assistentlik qildi.
