Ҳужумчи Харри Кейн жорий трансфер ойнасида “Тоттенхэм”ни тарк этиши мумкин. Шу муносабат билан "шпорлар" раҳбарияти унга ўринбосар қидира бошлади.

Инсайдер Руди Галеттининг ижтимоий тармоқлар орқали хабар беришича, Лондон клуби манфаатлари доирасида икки ҳужумчи пайдо бўлмоқда. Гап Жонатан Дэвид (“Лилль”) ва Душан Влахович (“Ювентус”) ҳақида кетмоқда.

Кейн "Тоттенхэм"да 2011 йилнинг январидан бери ўйнаб келмоқда. Ҳужумчининг лондонликлар билан шартномаси 2024 йилнинг июнь ойи охиригача амал қилади.

Харри ўтган мавсумда Премьер-лигада 38 та ўйинда майдонга тушиб, 30 та гол урди ва 3 та голга ассистентлик қилди.