"Chelsi" markaziy himoyachisi Itan Ampadu "Lids"ga o‘tishi mumkin.
Evening Standard nashrining xabariga ko‘ra, "Lids" o‘tgan mavsumni Italiyaning "Spesiya" klubida ijara asosida o‘tkazgan 22 yoshli futbolchini taklif qilmoqchi. Manbaga ko‘ra, "tovuslar" allaqachon "Chelsi"ga Ampadu transferi bo‘yicha rasmiy taklif yuborishgan. Tafsilotlar hali e’lon qilinmagan.
2022/23 yilgi mavsumda himoyachi Italiya chempionatining 31 ta uchrashuvida qatnashib, bitta golli uzatmani amalga oshirgan. Transfermarkt portali Ampaduni 9 million yevroga baholamoqda.
