"Arsenal" hujumchisi Folarin Balogun faoliyatini "Inter"da davom ettirishi mumkin, deb xabar beradi The Athletic.

Manbaga ko‘ra, ingliz klubi 22 yoshli amerikalik futbolchini sotishdan kamida 50 million yevro ishlab olishni maqsad qilgan.

"Inter" esa atigi 40 millionni taklif qilmoqda. Avvalroq, «neradzurrilar»ga yangi futbolchi Romelu Lukaku o‘rniga ko‘rilayotgani haqida xabar berilgandi.

O‘tgan mavsumda Balogun Fransiyaning “Reyms” jamoasida ijara asosida o‘ynagan. Liga 1da yosh hujumchi 37 ta o‘yin o‘tkazib, 21 ta gol urdi va 3 ta golli uzatmani amalga oshirdi. Transfermarkt portali AQSH terma jamoasi futbolchisini 30 million yevroga baholamoqda.