"Арсенал" ҳужумчиси Фоларин Балогун фаолиятини "Интер"да давом эттириши мумкин, деб хабар беради The Athletic.
Манбага кўра, инглиз клуби 22 ёшли америкалик футболчини сотишдан камида 50 миллион евро ишлаб олишни мақсад қилган.
"Интер" эса атиги 40 миллионни таклиф қилмоқда. Аввалроқ, «нерадзуррилар»га янги футболчи Ромелу Лукаку ўрнига кўрилаётгани ҳақида хабар берилганди.
Ўтган мавсумда Балогун Франциянинг “Реймс” жамоасида ижара асосида ўйнаган. Лига 1да ёш ҳужумчи 37 та ўйин ўтказиб, 21 та гол урди ва 3 та голли узатмани амалга оширди. Transfermarkt портали АҚШ терма жамоаси футболчисини 30 миллион еврога баҳоламоқда.
