"Arsenal" tayanch yarim himoyachi Deklan Rays bilan shartnoma imzolaganidan keyin eng qimmat tarkibga ega klubga aylandi.
Shanba kuni London klubi 24 yoshli futbolchini 105 million funtga (Transfermarkt portali ma’lumotlariga ko‘ra 116,6 million yevro) sotib oldi. Shundan so‘ng, "kanonirlar" futbolchilarining umumiy qiymati, Transfermarkt portali ma’lumotlariga ko‘ra, 1,21 milliard yevroni tashkil qildi.
Ikkinchi o‘rinda “Manchester Siti” (1,19 milliard yevro), uchinchi o‘rinda “PSJ” (1,03 milliard yevro). "Real Madrid" (991 million) va "Bavariya" (894,5 million) jamoalari tarkibi qiymati bo‘yicha kuchli "beshlik"ni yopdi.
