Madridning “Atletiko” klubi hujumchisi Alvaro Morata faoliyatini qayerda davom ettirishini bilmayapti. Futbolchiga “Inter”, “Roma” va Saudiya Arabistonining ikki klubi faol qiziqish bildirmoqda.

Fabrisio Romanoning so‘zlariga ko‘ra, ispaniyalik hujumchi hali kelajagi borasida bir qarorga kelmagan va hech qaysi klubga javob bermagan.

Xabar qilinishicha, "Inter" hujumchining transferi borasida "Atletiko" bilan muzokaralarni boshlagan. O‘tgan mavsumda u barcha turnirlarda 45 ta o‘yinda maydonga tushib, 15 ta gol urdi va 3 ta golli uzatmani amalga oshirdi.