Мадриднинг “Атлетико” клуби ҳужумчиси Альваро Мората фаолиятини қаерда давом эттиришини билмаяпти. Футболчига “Интер”, “Рома” ва Саудия Арабистонининг икки клуби фаол қизиқиш билдирмоқда.

Фабрицио Романонинг сўзларига кўра, испаниялик ҳужумчи ҳали келажаги борасида бир қарорга келмаган ва ҳеч қайси клубга жавоб бермаган.

Хабар қилинишича, "Интер" ҳужумчининг трансфери борасида "Атлетико" билан музокараларни бошлаган. Ўтган мавсумда у барча турнирларда 45 та ўйинда майдонга тушиб, 15 та гол урди ва 3 та голли узатмани амалга оширди.