Milanning “Inter” klubi “Arsenal” hujumchisi Folarin Balogunni sotib olmoqchi.
"Neradzurrilar"ning 22 yoshli futbolchi uchun birinchi taklifi "kanonirlar"ning talablariga javob bermayapti, ammo Italiya klubi bu bilan to‘xtab qolmoqchi emas. Jurnalist Jeyms Benjning so‘zlariga ko‘ra, “Inter” “Arsenal”ga talab qilinadigan 50 million funt sterlingni (taxminan 58 million yevro) taklif qilishi dargumon, lekin shartnomaga qayta sotish foizi yoki birinchi navbatda qayta sotib olish huquqi kabi bandlarni kiritishi mumkin.
O‘tgan mavsumda Folarin Balogun Fransiyaning “Reyms” jamoasida ijara asosida o‘ynadi va Liga 1ning 37ta o‘yinida 21ta gol urdi.
