Миланнинг “Интер” клуби “Арсенал” ҳужумчиси Фоларин Балогунни сотиб олмоқчи.
"Нерадзуррилар"нинг 22 ёшли футболчи учун биринчи таклифи "канонирлар"нинг талабларига жавоб бермаяпти, аммо Италия клуби бу билан тўхтаб қолмоқчи эмас. Журналист Жеймс Бенжнинг сўзларига кўра, “Интер” “Арсенал”га талаб қилинадиган 50 миллион фунт стерлингни (тахминан 58 миллион евро) таклиф қилиши даргумон, лекин шартномага қайта сотиш фоизи ёки биринчи навбатда қайта сотиб олиш ҳуқуқи каби бандларни киритиши мумкин.
Ўтган мавсумда Фоларин Балогун Франциянинг “Реймс” жамоасида ижара асосида ўйнади ва Лига 1нинг 37та ўйинида 21та гол урди.
