"Lans" yarim himoyachisi Seko Fofana portugaliyalik hujumchi Krishtianu Ronaldu to‘p tepayotgan Saudiyaning "An-Nasr" klubiga o‘tadi. Bu haqda jurnalist Fabrisio Romano o‘zining “Twitter”ida xabar berdi.
Manbaning xabariga ko‘ra, transfer summasi 25-30 million yevro atrofida bo‘ladi.Futbolchi allaqachon tibbiy ko‘rikning birinchi qismidan o‘tgan.
2022/2023 yilgi mavsumda Fofan "Lans" uchun barcha musobaqalarda 39 ta o‘yinda maydonga tushib, 9 ta gol va 6 ta golli uzatmaga mualliflik qilgan. Futbolchining fransuz klubi bilan shartnomasi 2025 yilning iyun oyi oxirigacha amal qiladi. Transfermarkt internet portaliga ko‘ra, futbolchining taxminiy narxi 32 million yevroni tashkil qiladi.
Oldinroq "An-Nasr" "Bavariya" hujumchisi Sadio Manega qiziqish bildirayotgani haqida xabar berilgandi.