"Ланс" ярим ҳимоячиси Секо Фофана португалиялик ҳужумчи Криштиану Роналду тўп тепаётган Саудиянинг "Ан-Наср" клубига ўтади. Бу ҳақда журналист Фабрицио Романо ўзининг “Twitter”ида хабар берди.
Манбанинг хабарига кўра, трансфер суммаси 25-30 миллион евро атрофида бўлади.Футболчи аллақачон тиббий кўрикнинг биринчи қисмидан ўтган.
2022/2023 йилги мавсумда Фофан "Ланс" учун барча мусобақаларда 39 та ўйинда майдонга тушиб, 9 та гол ва 6 та голли узатмага муаллифлик қилган. Футболчининг француз клуби билан шартномаси 2025 йилнинг июнь ойи охиригача амал қилади. Transfermarkt интернет порталига кўра, футболчининг тахминий нархи 32 миллион еврони ташкил қилади.
Олдинроқ "Ан-Наср" "Бавария" ҳужумчиси Садио Манега қизиқиш билдираётгани ҳақида хабар берилганди.
