“Shtutgart” “Bavariya” darvozaboni Aleksandr Nyubelga qiziqish bildirmoqda.

Bild xabariga ko‘ra, Nyubel yaqin orada "Bavariya"dan ketmoqchi, chunki u klubda o‘zi uchun hech qanday istiqbol ko‘rmayapti.

"Shtutgart" darvozabonni mavsum uchun ijaraga olish bo‘yicha birinchi taklifni berdi - 500 ming yevro, biroq "Bavariya" buni rad etdi. Qayd etilishicha, Nyubel va uning agentlari “Shtutgart” rahbariyati bilan ham uchrashuv o‘tkazgan.

Qayd etilishicha, "Bavariya" Nyubelni sotishni afzal ko‘radi, ammo darvozabonni ijaraga berish varianti ham mumkin. 26 yoshli darvozabonning transfer qiymati 8 million yevroga baholanmoqda.

Aleksandr Nyubel 2022/23 yilgi mavsumni “Monako”da ijara asosida o‘tkazdi.