"Bavariya" bosh murabbiyi Tomas Tuxel jamoasining yarim himoya chizig‘ini mustahkamlamoqchi. Sport1 xabariga ko‘ra, germaniyalik murabbiyning nomzodlar ro‘yxatini Madridning “Real” klubi a’zosi Orelyen Tchuameni boshqarib turibdi.

Manbaga ko‘ra, myunxenliklar allaqachon 23 yoshli fransiyalik futbolchining vakillari bilan aloqada bo‘lishgan. Tchuamenining o‘zi, agar unga "Real"ning asosiy tarkibidan joy kafolatlanmaganini tushunsa, "Bavariya"ga o‘tishga tayyor.

Eslatib o‘tamiz, Transfermarkt portali mutaxassislari Tchuamenini 85 million yevroga baholamoqda. "Real Madrid" safida fransiyalik futbolchi 50 ta o‘yin o‘tkazib, 4 ta golli uzatmani amalga oshirgan.